Нууцлалын бодлого
MR CUP · MR Puzzle Shop · 2026 оны 11-р сарын 16
Ямар мэдээлэл цуглуулдаг вэ
- Google-ээр нэвтрэхэд: нэр, имэйл хаяг.
- Тамирчнаар бүртгүүлэхэд: овог нэр, төрсөн огноо, утасны дугаар, WCA ID, цээж зураг.
- Шоо эвлүүлэхэд: холилт, шооны хөдөлгөөний бичлэг, цаг, шооны загварын нэр.
- Тэмцээний эвлүүлэлтийн үед: тамирчныг баталгаажуулах зорилгоор камераар авсан зураг. Камер ашиглахаас өмнө зөвшөөрөл асууна.
Юунд ашигладаг вэ
- Тэмцээнийг шударга явуулах, дүнг гаргах, тамирчныг таних.
- Тамирчны амжилт, ахицыг өөрт нь харуулах.
- Эрэмбэд зөвхөн нэр, амжилт харагдана. Утас, төрсөн огноо, имэйл нийтэд харагдахгүй.
Хэн харах вэ
- Хувийн мэдээлэл болон баталгаажуулалтын зургийг зөвхөн MR CUP-ын админ харна.
- Мэдээллийг гуравдагч этгээдэд худалдахгүй, зар сурталчилгаанд дамжуулахгүй.
Хүүхдийн мэдээлэл
- 18 нас хүрээгүй тамирчин эцэг эх, асран хамгаалагчийн зөвшөөрөлтэйгээр бүртгүүлнэ.
- Эцэг эх хүүхдийнхээ мэдээллийг үзэх, засуулах, устгуулах хүсэлт гаргаж болно.
Таны эрх
- Өөрийн мэдээллийг үзэх, засуулах, бүртгэлээ бүрмөсөн устгуулах хүсэлтийг хэдийд ч гаргаж болно.
- Хүсэлтээ MR Puzzle Shop-д (mrpuzzleshop.mn) хандаж гаргана.